Хабарингиз бор, “Локомотив” олий лиганинг 6-тур учрашувини сафарда ўтказди. Ғўзорда “Шўртан” меҳмони бўлган “темирйўлчилар” Тимур Кападзе ва Сервер Жепаров томонидан киритилган голлар эвазига 2:0 ҳисобида зафар қучишди.
“Шўртан” билан ўйин кетаётган пайтда табло тагидаги секторда ўтирган ёш футбол мухлислари “Олға, “Локомотив”, “Локомотив” – чемпион!” ёзуви туширилган баннерни кўтаришди ва бу футболчиларимизни янада тўлқинлантириб юборди. Негаки, Ғузорга “Локо” фан-клуби бормаганди. Демак, Ғузор шаҳрида ҳам жамоамизнинг мухлислари бор экан, биз бундан жуда хурсандмиз.
