Хабарингиз бор, кеча Олий Лига 7-тур учрашувлари доирасида пойтахтимизнинг икки гранд жамоалари – “Бунёдкор” ва Пахтакор” ўзаро баҳс олиб боришди. Жуда қизиқарли тарзда кечган беллашувда “қалдирғочлар” 3 та тўп фарқи билан зафар қучишди.
Баҳс якунлангач, ҳар икки жамоа аъзолари журналистлар учун ажратилган микст-ҳудудда ўйин борасидаги фикрларини билдириб ўтишди. Хусусан, “Бунёдкор” мудофаа чизиғи вакили Юрица Булят қуйидагиларни таъкидлади:
- Ўйин осон ўтмади. Боиси рақиб ҳам жуда кучли жамоа эди. Дерби мақомидаги беллашув бўлгани боис очиқ ўйин қилмадик. Биринчи бўлимда ташаббусни бироз рақибга берган ҳолда ўйнадик. Иккинчи бўлимда эса ўз устунлигимизни намойиш эта олдик. Киритган дастлабки икки голимиз рақибнинг режаларини бутунлай бузиб юборди. Муҳими – 3 очко қўлга киритилди ва асосий рақобатчиларимиздан бирини мағлуб эта олдик, - дейди хорватиялик ҳимоячи SPORTS.uz интернет-портали мухбирига.
