Лондоннинг "Челси" клуби ҳимоячиси Жон Терри Англия чемпионатида "Лестер" ғолиб чиқишини истамоқда ва бунга "тулкилар"ни қўллаб-қувватлашини айтиб ўтган. Эслатиб ўтамиз, Клаудио Раньери шогирдлари бугун 36-турда "МЮ"ни сафарда мағлуб этишнинг уддасидан чиқса, муддатидан олдин чемпионлик масаласини ҳал қилади.
– АПЛда йил жамоасини тузиш имкониятини берганда, мен бу таркибга кўплаб "Лестер" ўйинчиларни киритган бўлардим. Шмейхель, Дринкуотер, Марҳез, Хут, Морган, Канте — барчаси менинг жамоамдан ўрин олган бўларди, чунки улар ажойиб муваққиятларга эришди. Мен чемпионлик пойгасида "Лестер" қўллаб-қувватлаб, уларга ғалаба тилайман, – дейди Терри Goalга.
