«Реал» ярим ҳимоячиси Каземиро Чемпионлар лигасининг ярим финал жавоб ўйини доирасида «Манчестер Сити»га қарши ўйин олдидан ўз фикрларини билдириб ўтди. Манчестер шаҳрида бўлиб ўтган ўйинда ҳисоб очилмаганди.

«Чоршанба куни бўладиган ўйинда ўз майдонимиз бизга устунлик беради. Мухлислар бизни қўллаб-қувватлашлари керак, улардан умидимиз катта. "Сити" "Бернабеу"нинг кучини ҳис қилиши керак. Агар биз ўйинни яхши бошласак, шубҳасиз, мухлислар биз билан бирга бўлишади, худди "Вольфсбург"га қарши ўйинда бўлгани каби. Ўшанда ишқибозлар бизни ўйин бошидан олдинга бошлашганди. Учрашув қийин кечади, аммо мухлислар биз томонда. Бу бизга устунлик беради, аммо Чемпионлар лигаси ярим финалининг барча ўйинлари жуда қийин бўлади.

Биз ғалаба қозонишимиз керак — нуқта. Ким гол уришининг аҳамияти йўқ. Биз гол уришимиз ва ғалаба қозонишимиз керак. Жамоамиз кучли иштиёқ билан жанг қилиши лозим. Голни бош билан ураманми ёки оёқ билан, бунинг аҳамияти йўқ. "Реал"нинг финалга чиқишига ёрдам беришни истайман», — дея Каземиронинг сўзларидан иқтибос келтирди УЕФА расмий сайти.