«Атлетико» клуби Президенти Энрике Сересо жамоасининг финалга йўл олганлиги ҳақида тассуроотлари билан ўртоқлашди ва Артуро Видалнинг гапларига жавоб қайтарди.

«Видаль «Атлетико» тартибсиз ўйин намойиш этади дедими? Бизга ҳасад қилишмоқда. «Атлетико» фантастик ўйин намойиш этмоқда, жамоа ўз олдига қўйган мақсадлари сари интилмоқда.

Жуда кўпчилик финалга йўл олганлигимиз сабабли мени табриклашди, лекин жамоани, футболчиларни, мураббийларни ва мухлисларни табриклаш керак. Уларга миннатдорчилик билдириш керак. Биз ПСВ, «Барселона» ва «Бавария»ни мағлуб этдик. Финалда ким билан кўришсак ҳам улар билан ҳам шундай ўйнаймиз. Футболчилар тайёр ва ғалаба учун кўзи ёнмоқда. Биз финалга чиқишни ҳохлагандик ва буни амалга оширдик.

Испания чемпионатида ҳали ҳеч нарса йўқотмадик. «Атлетико» Чемпиоанлар Лигасини ютиши мумкинлиги ҳақида доим гапирганман», — деди Сересо Marcaга берган интервьюсида.