Англия чемпиони бўлиб, йилнинг энг сенсацион натижасини қайд этган "Лестер" жамоасига чемпионликка эришиш қанчага тушган? Биз "тулкилар" ўз футболчиларини қанчага сотиб олгани билан қизиқиб кўрдик.   

Дарвозабонлар. 1,7 млн.евро (ўртача 566 минг евро) 
„Лестер“ Каспер Шмейхелни 2011 йили „Лидс Юнайтед“дан 1,7 млн.евро эвазига харид қилган бўлса, қолган икки посбонБен Хамер ва Марк Швар ц ер жамоага текинга тушган. Бундан кўриниб турибдики, клубнинг дарвоза чизиғи 1,7 млн.еврога тушган. 

Ҳимоячилар. 7.8 млн.евро (ўртача 975 минг евро) 
Жамоанинг энг қимматбаҳо ҳимоячиси Роберт Хутдир. “Тулкилар” 2015 йили “Сток Сити”дан уни 4,2 млн.евро эвазига харид қилишган. Шунингдек, 2014 йили “КПР”дан Симпсонни 2,5 млн.евро ва 2012 йили “Ноттингем”дан Уэс Морганни 1,1 млн.еврога сотиб олишган бўлишса, Шлап, Фукс, Василевски ва Мур жамоага текинга тушган футболчилар ҳисобланишади. “Лестер” 7 нафар ҳимоячи учун 7,8 млн.евро сарфлаган. 

Ярим ҳимоячилар. 30,3 млн.евро (ўртача 3,36 млн.евро) 
Айни пайтда “Манчестер Юнайтед” ва бошқа бир қатор гранд жамоалар қизиқиш билдираётган Кантени “Лестер” “Канн”дан 2015 йили 9 млн.еврога харид қилган. Шунингдек 2015 йили “Наполи”дан Инлерни 7 млн.еврога, 2016 йили “Копенгаген”дан Амартейни 6,6 млн.еврога, 2016 йили “Бирмингем”дан Грейни 5,1 млн.еврога, 2012 йили “МЮ”нинг икки футболчиси Жеймсни 1,2 млн.евро ва Драйнквазерни 900 минг еврога сотиб олган. Ушбу мавсумнинг энг яхши футболчиси бўлган Ри ё д Маҳрез учун эса клуб 2014 йили “Гавр” атиги 500 минг евро сарф қилган. Энди Кинг ваАлбрайтон “тулкилар”га текинга тушган. Таркибдаги 9 ярим ҳимоячи учун “Лестер” хўжайинлари 30,3 млн.евронинг бахридан кечишган. 

Ҳужумчилар. 22,3 млн.евро (ўртача 7,4 млн.евро) 
2015 йилда “Лестер” “Майнц”нинг япониялик ҳужумчиси Шинжи Оказакини 11 млн.еврога, 2014 йили “Брайтон”данЛеонардо Уллоани 10,1 млн.еврога сотиб олган эди. Бу жамоа таркибидаги сотиб олинган футболчилар орасидаги энг қимматлари эди. Мавсум давомида кетма-кет ўйинларда гол уриш борасида рекорд ўрнатган Жейми Варди клубга бор йўғи 1,2 млн.еврога тушган. “Тулкилар” ушбу уч ҳужумчи 22,3 млн.евро сарф қилган. 

Умумий. 62,1 млн.евро (ўртача 2,82 млн.евро) 
“Лестер”ни ҳозирги таркиби 62,1 млн.евро эвазига яратилган. Таққослаш учун мавсум аввалида “Манчестер Сити” жамоаси биргина Кевин де Бруйне учун 74 млн.евро сарфлади. Хўш натижа қандай бўлди? “Лестер” чемпионат тугашига 2 тур қолганида чемпионликни қўлга киритди, “Сити” эса медаллардан ва Чемпионлар лигаси йўлланмасидан қуруқ қолиши мумкин.  

Фурқат Юсупов тайёрлади