"ПСЖ" клуби ва Италия терма жамоаси яримҳимоячиси Марко Верратти жароҳати туфайли мавсумнинг охирини ўтказиб юборади ва Евро-2016 мусобақасида қатнаша олмайди.
Париж клуби расмий сайтининг хабарига кўра, 23 ёшли футболчининг чов қисмида муаммолар бор ва у 16 май куни операция қилинади. Унинг тикланиши учун 8 ҳафта керак бўлади.
Шу тариқа, футболчи 10 июнь куни старт оладиган Францияда бўлиб ўтадиган Европа чемпионатида қатнаша олмайди.
Верратти жамоасининг умумий гуруҳида шуғуллана бошлаган эди, аммо 4 апрель куни оғриқ сезди ва машғулотни давом эттиролмади.
