Ўзбекистонлик мураббий Миржалол Қосимов Қозоғистон клубларининг бирини бошқариши мумкинлиги ҳақида хабар бериб ўтгандик. Қозоқ матбуотида Қосимов бошқариши мумкин бўлган клуб номи маълум қилинди.

Kazfootball.kz сайтининг хабар беришича, ўзбекистонлик мутахассис "Тараз" клуби бош мураббийига айланиши кутилмоқда.

"Kazfootball.kz мухбирининг "Тараз" клубига яқин манбага асосланиб хабар тарқатишича, агар жамоа "Иртиш"га қарши бўладиган навбатдаги ўйинда очко қўлга кирита олмаса, бош мураббий Нурмат Мирзабаев истеъфога чиқарилади. Унинг ўрнига эса Миржалол Қосимов бош мураббий этиб тайинланади. Ушбу мутахассис аввалроқ Ўзбекистон терма жамоасини муваффақиятли бошқарган ва уни ЖЧга олиб чиқишига бир баҳя қолган", - дейилади хабарда.

Қозоғистон чемпионатининг 10-тури доирасида "Иртиш" - "Тараз" баҳси бугун бўлиб ўтди. Унда таразликлар 1:2 ҳисобида имкониятни бой беришди. "Тараз" ҳозирда 5 очко билан мусобақа жадвалининг энг сўнгги поғонасини эгаллаб турибди.