“Арсенал” клуби раҳбарияти бош мураббий Арсен Венгер билан ўртадаги келишувни яна икки йилга узайтирадиган бўлди.

“Арсенал” анчадан буён чемпионликни қўлга кирита олмаётгани боис жамоа мухлислари мавсумнинг иккинчи ярмида Арсен Венгернинг ўз вазифасидан озод этилишини талаб қилган эди. Охир оқибат клуб раҳбарларининг фикри мухлисларники билан бир жойдан чиқмади ва “Арсенал” франциялик мутахассисга ишонч билдиришда давом этади.

Арсен Венгер Лондон клубини 20 йилдан буён бошқариб келмоқда. У жамоага 1996 йили таклиф этилганди. Айни пайтда “Арсенал” жамоаси чемпионат якунланишига бир тур қолганида мусобақа жадвалида учинчи поғонани эгаллаб турибди.