«Милан» жамоасининг тажрибали дарвозабони Кристиан Аббьяти футболчилик фаолиятини якунлаши ҳақида эълон қилди.

14 май куни «Рома»га қарши баҳс унинг футболчи сифатидаги охирги ўйини бўлади.

Аббьяти футболчилик фаолиятининг асосий қисмини «Милан» сафида ўтказди, у жамоа сафида илк учрашувини 1999 йилнинг январида амалга оширганди.

У ўз вақтида «Ювентус», «Торино» ва «Атлетико» жамоалари дарвозаларини қўриқлаган.

Дарвозабон «Милан» таркибида 3 марта мамлакат чемпиони бўлган, 1 марта Италия Кубогини, 2 марта Италия Суперкубогини қўлга киритган ва жамоа билан ЕЧЛ ҳамда Европа Суперкубоги финалларида зафар қучган.