“Бунёдкор” – “Бухоро” учрашувидан кейинги матбуот анжуманининг иккинчи қисмида “қалдирғочлар” устози Сергей Лушчан қатнашди.
- Ўйинни осон ўтди, дея олмайман. “Бухоро” муносиб қаршилик кўрсатди. Рақибнинг ҳимоя чизиғи кучли. “Бухоро” иштирокидаги бир нечта учрашувларни томоша қилдик ва шунга яраша тайёрландик. Қолаверса, рақиб ҳимоясини қандай ёриб ўтиш мумкинлиги ҳақида режалар ишлаб чиқдик. Биринчи бўлимда бизда бир қанча голли вазиятлар бўлди. Бироқ улардан фойдалана олмадик. Сатонинг ажабтовур голидан кейин барчаси ўзгарди. Рақиб очилди ва бизда янада кўпроқ вазиятлар бўлди. Йирик ҳисобда ғалаба қозонганимиздан хурсандман. Ўйинимизни янада яхшилашга ҳаракат қиламиз, - дейди Сергей Лушчан.