Хабарингиз бор, кеча Олий Лига 9-тур учрашувлари доирасидан ўрин олган “Бунёдкор” – “Бухоро” қарама-қаршилиги бўлиб ўтди ва унда мезбонлар 3 та тўп фарқи билан зафар қучишди.
“Қалдирғочлар” ҳужумчиси Элдор Шомуродов SPORTS.uz интернет-портали мухбирига ўйин борасидаги фикрларини билдириб ўтди.
- Учрашув яхши ўтди. Биз ўз олдимизга қўйилган асосий вазифани бажара олдик. Тўғриси, ўйиндаги катта устунлик биз томонда бўлди. Қувонарли жиҳати – шу устунликни ҳисобда ҳам акс эттира олдик. Ўзим ҳам гол киритганимдан жуда хурсандман. Чемпионат якунига қадар шу руҳда давом этиб, тез-тез ўз голларим билан жамоам муваффақиятига хисса қўшишга ҳаракат қиламан, - дейди ёш ҳужумчи.
Таъкидлаш жоиз, Элдор Шомуродов “Бунёдкор” – “Бухоро” учрашувининг 63-дақиқасида рақиб дарвозасини ишғол этишга муваффақ бўлди. Ушбу футболчи ҳозиргача 7 бор ўз ҳисобига гол ёздириб қўйди.
