“Атлетико Мадрид” жамоаси ҳужумчиси Антуан Гризманн “Реал”дан таклиф келса, уни рад этишини маълум қилди.
- Зидан мени “Реал”га чақирса, унга “Атлетико”да тўп сураётганимни айтаман. Зидан ажойиб инсон, аммо мен кетмайман. Мен “Атлетико” билан шартномани узайтириш борасида музокаралар олиб боряпман. Умид қиламанки, барчаси муваффақиятли якунланади, – дейди Гризманн.
Антуан Гризманн 2014 йилда “матрасчилар” сафига келиб қўшилганди. Унинг амалдаги келишуви 2020 йилга қадар мўлжалланган.