Сўнгги кунларда вилоятимизда “Биз-буюк юрт фарзандларимиз” деб номланган ёшлар фестивали ўтказилиб келинмоқда. Кеча ушбу ёшлар фестивали Қўқон шаҳрида ҳам кўтаринки руҳда бўлиб ўтди.
Фестивалда бир қатор таниқли саньаткорлар, шоир ва ёзувчилар иштирок этишди. Гулсанам Мамазоитова, Илҳом Фармонов, Сайёраи Жаҳон, Азиз Ражабов, Шаҳло Рустамова, Севинч Мўминова, Қиличбек Мадалиев, Аслиддин Дўстов, Умар Шамсиев ва бошқа саньаткорлар билан бирга шоир Иқбол Мирзо, ёзувчи Нодир Жонузоқ хамда бир қатор театр ва кино актёрлари ҳам фестивалда иқатнашишди.
Фестивал “Санъаткорлар” ва “Камолот” жамоалари ўртасидаги футбол шоуси билан бошланди. Шоуни таниқли сўз устаси, қизиқчи Шукрулло Исроилов шарҳлаб борди.
Шоу учрашув жуда ҳам қизиқарли тарзда бўлиб ўтганини алоҳида таъкидлаш жоиз. Ҳатто тинимсиз ёғиб турган ёмғир ҳам учрашувга ҳалал бера олмади. Мухлислар хар икки жамоани тинимсиз қўллаб-қувватлаб туришди.
Учрашувда “Саньаткорлар” жамоаси 4:2 ҳисобида ғалаба қозонишди. Ўйиннинг қизиқ ҳолатларидан бири “Саньаткорлар” дарвозасига пенальти белгиланганда рўй берди. Пенальтини қайтариш учун бутун жамоа дарвозага туриб олди. Натижада Камолотчилар бу имкониятдан фойдалана олишмади.
Футбол шоуси тугагач, қўшиқлар рақсларга уланди. Эл суйган саньаткорлар ижросидаги дил тортар қўшиқлар стадионга ташриф буюрган меҳмонларга кўтаринки кайфият бағишлади. Кечага ташриф буюрган барча олам-олам таассуротлар билан қайтишди.
Қуйида ёшлар фестивалига бағишланган фотосуратлар билан танишинг:
Акрамжон Мамадалиев тайёрлади
