Биринчи Лига 10-тури доирасида чоршанба куни Муборакда «Машъал-2» жамоасига қарши саф тортган «Динамо» жамоаси сафарда навбатдаги ғалабани қўлга киритиб, 10-турга келиб Биринчи Лига пешқадамига айланди.
Ўйинни ҳужумкор бошлаган вакилларимиз 21-дақиқада марказий ҳимоячи Бунёд Исроиловнинг голи эвазига ҳисобда олдинга чиқиб олишди. Қайд этиш жоизки, ушбу ёш ҳимоячимиз сафардаги сўнгги ўйин «Орол»га қарши учрашувда ҳам гол уришга муяссар бўлганди.
Иккинчи бўлимда бош мураббий Илҳом Шариповнинг таркибда бир қатор ўзгаришларга қўл уриши ўзини оқлади. Захирадан майдонга тушган тажрибали ҳужумчи Алишер Холиқов кетма-кет иккинчи ўйинда ўз номини таблога ёзиб қўйишга эришди, 0:2.
Ушбу ғалаба «Динамо»нинг жорий мавсумдаги саккизинчи кетма-кет ғалабаси бўлди ва жамоа 10-турга келиб жамоамиз Биринчи Лигада пешқадамликни қўлга киритди.
Самарқанд клуби кейинги турни 26 май куни Жиззахда «Зомин» жамоасига қарши ўтказади.
Биринчи Лига. 10-тур.
18 май (чоршанба)
«Машъал-2» – «Динамо» - 0:2
Голлар: Бунёд Исроилов 21, Алишер Холиқов 68
«Машъал-2»: Хусан Олимжонов, Муҳаммад Тошпўлатов, Юнус Очилдиев, Жафар Исмоилов, Баҳодир Муртазоев, Санжарбек Аҳмедов, Муни Мирмуҳсин Юсупов, Суннатилла Рустамов, Носирбек Эронов, Бунёд Шодиев, Ёдгор Назаров.
Захира: Жонибек Мўминов, Алибек Раҳматуллаев, Аҳроржон Иноятов, Обид Маматов, Оллаёрхон Раупов, Ойбек Жўраев, Шокир Йўлдошев
«Динамо»: Михаил Наумов, Акмал Бозоров, Бунёд Исроилов, Фирдавс Абдусалимов, Алексей Николаев, Омаджон Тойлоқов, Жасур Азимов, Достон Ибрагимов, Жонибек Кўчимов, Азамат Бобожонов, Виктор Клишин.
Захира: Рустам Тоштурдиев, Жасур Қурбонов, Асомиддин Маматов, Лазиз Нуриддинов, Алишер Холиқов, Амиржон Сафароов, Комил Шарофутдинов
