Бугун Малайзиянинг Куала-Лумпур шаҳрида U-16 ёшгача бўлган аёллар ўртасидаги Осиё чемпионати-2017 саралаш баҳсларидан ташқари U-19 ёшгача аёллар ўртасидаги қитъа биринчилиги саралаш учрашувларига ҳам қуръа ташланди.

Қуръада иштирок этган жамоалар: Австралия, Таиланд, Ўзбекистон, Эрон, Вьетнам, Иордания, Мьянма, Хитой Тайпейи, Фалестин, Ҳиндистон, Гонконг, Ливан, Сингапур, Қирғизистон, Шимолий Мариана ороллари, Покистон, Филиппин ва Тожикистон.

2015 йилда Хитойда бўлиб ўтган U-19 ёшлилар ўртасидаги қитъа биринчилигида энг яхши натижа қайд этган жамоалар - Япония, КХДР, Жанубий Корея ва Хитой тўғридан-тўғри турнирнинг финал босқичига йўл олади.

Қуръа натижалари билан танишинг:

A гуруҳи:
A1 Австралия
A2 Иордания
A3 Ливан
A4 Сингапур
A5 Шимолий Мариана ороллари

B гуруҳи:
B1 Ўзбекистон
B2 Хитой Тайпейи
B3 Гонконг
B4 Тожикистон
B5 Покистон

C гуруҳи:
C1 Таиланд
C2 Мьянма
C3 Фаластин
C4 Қирғизистон

D гуруҳи:
D1 Эрон
D2 Вьетнам
D3 Ҳиндистон
D4 Филиппин

Ҳар бир гуруҳ ғолиблари (4 жамоа) якунда мусобақанинг финал босқичида иштирок этиш ҳуқуқини қўлга киритади. Финал босқичида жами 8 терма жамоа ғолиблик учун кураш олиб боради. Саралаш баҳслари жорий йилнинг 29 октябрь - 6 ноябрь кунлари бўлиб ўтади.