Эртага жамоамиз мамлакат кубогининг нимчорак финал жавоб учрашувида “Қўқон-1912” жамоаси меҳмони бўлади. Жамоамиз аъзолари эртага бўлиб ўтадиган ўйинга муносиб тарзда тайёргарлик кўришмоқда десак хато бўлмайди.
Футболчиларимиз Наманганда ўтган дастлабки баҳсдаги мағлубият тасодиф эканлигини исботлаш ниятида шуғулланишмоқда. Ёдингизда бўлса нимчорак финални биринчи ўйинида қўқонликлар 1:0 ҳисобида ғалаба қозонишганди. Айни пайтда футболчиларимиз учрашув олдидан сўнгги машғулотни “Марказий” ўйингоҳда ўтказишмоқда. Қўқондаги “Марказий” ўйингоҳда бўлиб ўтадиган учрашув 21 май куни соат 16.30да бошланади. Ўйин учун чипталар нархи эса 5000 ва 10 000 сўм эканлигини қўшимча қилиш жоиз.
