"Кристал Пэлас" бош мураббийи Алан Пардью Англия кубоги финалида "Манчестер Юнайтед"га қарши учрашув олдидан фикрларини билдирди.
54 ёшли мутахассис 1990 йилда "бургутлар" сафида "МЮ"га қарши финал учрашувини эслади. Ўшанда биринчи учрашувда 3:3 ҳисоби қайд тилган, такрорий учрашувда "Кристал Пэлас" 0:1 ҳисобида ютқазган эди.
"Мухлисларимиз "Уэмбли"га келиб, ғалаба қозонишимизни исташмоқда. Биз шунчаки финалчи бўлиб қолишни истамаймиз. 1990 йилги финалнинг иштирокчиси сифатида айтишим мумкинки, ўшанда "Кристал Пэлас" ютиши мумкин эди. Тўғрисини айтсам, ўшанда кучимиз етишига ишонмагандим.
Ҳозир давр ўзгарди, мен ғалабага ишонаман. Бизда "Кристал Пэлас" тарихига янги ғалабаларни ёзишни истовчи бир гуруҳ футболчилар жамланган", - дейди Пардью.
