Германиянинг "Шальке-04" жамоаси собиқ бош мураббийи Роберто ди Маттео яқин вақт ичида Италиянинг "Лацио" клуби бош мураббийига айланиши мумкин, дея хабар беради Sky Sports.
Айни дамда италиялик мутахассис "бургутлар" билан музокаралар олиб бориш учун Римда бўлиб турибди. "Лацио" раҳбарияти Ди Маттеони ҳозирда жамоага устозлик қилаётган Симоне Индзаги ўрнига муносиб ўринбосар сифатида қарамоқда.
Эслатиб ўтамиз, апрель бошида Индзаги қаниқарсиз натижалардан сўнг Стефано Пьоли ўрнини эгаллаган эди. "Лацио" бу мутахассисдан ташқари Чили термасининг собиқ мураббийи Хорхе Сапмаоли ва Чезаре Пранделли билан ҳам алоқага чиққан.
45 ёшли Ди Маттео ўз фаолияти давомида "Милтон Кинс Донс", "Вест Бромвич", "Челси" ва "Шальке-04" жамоаларида иш олиб борган. Энг йирик натижаси "Челси" билан 2012 йилги ЕЧЛда ва Англия кубогида зафар қучган.
