Бугун ЎФФ анжуманлар залида Ўзбекистон кубогининг чорак финалига қуръа ташлаш маросими ўтказилди.
Унда Ўзбекистон кубоги чорак финалида иштирок этувчи жамоалар дастлабки учрашувни қаерда бошлашларига аниқлик киритилди.
Хабарингиз бор, “Андижон” жамоаси ҳам Ўзбекистон кубогининг чорак финалига йўлланма олган. Жамоамиз чорак финалда Қаршининг “Насаф” жамоаси билан баҳс олиб олиб боради.
Бугунги қуръа натижасига кўра, жамоамиз “Насаф” жамоасига қарши дастлабки учрашувни Андижонда ўтказади. Жавоб учрашуви эса Қарши шаҳрида бўлиб ўтади.
Эслатиб ўтамиз 1/4 финал босқич ўйинларининг дастлабкиси 5-6 июль кунлари бўлиб ўтади. Жавоб ўйинлари эса 8 июль куни бўлиб ўтади.
