Биласиз, кеча Тошкентнинг “Локомотив” клуби Осиё Чемпионлар Лигаси нимчорак финал жавоб учрашувлари доирасида Саудиянинг “Ал Ҳилол” клубини қабул қилди ва анчагина қизиқарли кўриниш олган матчда 2:1 ҳисобида ғалаба қозонди.
“Темирйўлчилар” ҳужумчиси Марат Бикмаев ўзининг ушбу матч борасидаги фикрлари билан ўртоқлашди.
- Ғалабадан жуда ҳам хурсандман. Жамоамиз ажойиб ғалабани қўлга кирита олди. Умуман олганда рақиб жамоа ҳам ёмон ўйин кўрсатмади. Нега улар ўтган ўйиндаги каби катта устунлик қила олишмади? Сабаби биз бунга имкон бермадик.
Ушбу учрашувни ўз фойдамизга ҳал этишни жуда ҳам истаган эдик. Шукр, буни уддалай олдик. Стадионга келиб, бизни қўллаб-қувватлаб турган барча ишқибозларга раҳмат айтаман. Энди кейинги босқичда ҳам муваффақиятли қатнашиб, ишқибозларимизни хурсанд этишга ҳаракат қиламиз, - дейди тажрибали футболчи.
