Ўзбекистон миллий терма жамоаси 2 ва 7 июнь кунлари иккита ўртоқлик учрашувида майдонга тушади. Дастлаб Тошкентда Экваториал Гвинея билан ўйнасак, 7 июнь куни Австрияда Канада термасига қарши ўйин бўлиб ўтади.
Мазкур баҳслар учун терма жамоанинг кенгайтирилган таркиби эълон қилинди. Ушбу таркибдан “Локомотив”нинг етти нафар футболчиси ўрин олган.
Булар – дарвозабон Игнатий Нестеров, ҳимоячи Ислом Тўхтахўжаев, ярим ҳимоячилар Сардор Мирзаев, Сервер Жепаров, Жасур Ҳасанов, Санжар Шоаҳмедов ва ҳужумчи Марат Бикмаев.
Биз ҳар иккала ўртоқлик ўйинида терма жамоамиз ва “Локо” футболчиларига омад тилаб қоламиз.
