Фарғона халқаро аэропортида “Универсиада — 2016” спорт мусобақалари иштирокчилари тантанали кутиб олинди.

Бу эрда Қорақалпоғистон Республикаси, вилоятлар ва Тошкент шаҳридан келган спортчи ёшларни карнай-сурнай садолари остида миллий либосда кийинган қизлар нону туз, гуллар билан қарши олишди.

Мамлакатимиз ҳаётидаги улкан воқеа – ёшлик, камолот ва спорт байрами – “Универсиада” ўйинларига келаётган спортчи ёшлар Фарғонага кўтаринки кайфиятда, қизғин тайёргарлик билан келишган.

Иштирокчиларни кутиб олиш тадбирларида Фарғона вилояти ҳокими, Олий Мажлис Сенати аъзоси Шуҳрат Ғаниэв сўзга чиқиб, спортчи ёшларга ғалабалар тилади.

***

Бугун шаҳардаги “Фарғона” марказий ўйингоҳида мусобақаларнинг тантанали очилиш маросими бўлиб ўтади.

Улуғбек АСРОРОВ,

“Туркистон-пресс” мухбири