Пайшанба куни Зоминдаги марказий ўйингоҳдаги очилиш учрашувида маҳаллий «Зомин» жамоасига қарши саф тортган «Динамо» жамоаси ўйинда ишончли ғалабага эришди ва пешқадамликни мустаҳкамлади.
Илҳом Шарипов шогирдлари дастлабки бўлимни ҳам ҳужумкор тарзда ўтказган бўлишларига қарамай, танаффусгача таблода ҳисоб ўзгармади.
Иккинчи бўлимни эса анча фаол бошлаган Самарқанд жамоаси футболчилари 55-дақиқада ҳисобни очишди. Достон Ибрагимовнинг қанотдан етказиб берган тўпидан сўнг, Амиржон Сафаров дарвозабон билан яккама-якка вазиятга чиқиб, ҳисобни очди, 0:1.
Ушбу голдан кейин мезбонлар ҳам мувозанатни тиклаш учун ҳар қанча интилишмасин ҳимоя қўрғони барқарорликни сақлаб қолди. Учрашувнинг сўнггида захирадан майдонга тушган ёш ҳужумчи Асомиддин Маматов ўз голи билан ҳисобни 0:2 кўринишига олиб келди.
Ушбу ғалаба «Динамо»нинг кетма-кет 9-ғалабаси бўлиб, жамоамиз турнир жадвалидаги пешқадамликни мустаҳкамлади.
Вакилларимиз навбатдаги 12-турда дам олишса, 13-турда Самарқандда Наманганнинг «Хотира-79» жамоасини қабул қилишади.
Биринчи Лига. 11-тур.
26 май (пайшанба)
«ЗОМИН» - «ДИНАМО» - 0:2
Гол: Амиржон Сафаров (55), Асомиддин Маматов (90+3).
«Зомин»: 21. Шерзод Абдураимов, 2. Рашид Шаробиддинов, 4. Элдор Каримов, 7. Шукурулло Жониқулов, 10. Дурбек Камолов, 11. Сардор Иномжонов, 14. Достон Тошматов, 17. Искандар Холмирзаев, 19. Азиз Аҳмедов, 20. Ғолиб Сарибоев, 77. Шаҳзод Ғофуржонов.
Захира: 1. Тўрабек Садриддинов, 6. Бунёд Миразимов, 8. Бахтиёр Турғунбоев, 9. Лутфулло Файзуллаев, 15. Маҳсуд Нормаҳматов, 25. Ўрол Урунов, 27. Собир Абдалиев.
«Динамо»: 1.Михаил Наумов, 3. Бунёд Исроилов, 5.Фирдавс Абдусалимов, 6. Акмал Бозоров, 7.Омаджон Тайлоқов, 8.Жасур Азимов, 9.Виктор Клишин, 14.Достон Ибрагимов, 17.Алексей Николаев, 24.Жонибек Кучимов, 20.Амиржон Сафаров.
Захирадагилар: 27.Шуҳрат Муродов, 19.Ислом Шарипов, 2.Миркомил Локаев, 23.Комил Шарафутдинов, 10.Азамат Бобожонов, 18.Алишер Холиқов, 4.Хакимхон Аъламхонов, 15.Лазизжон Нуриддинов, Темур Шарипов.
