Бугун Фарғона Политехника институтида Ўзбекистон Футбол федерациясининг халқаро тоифадаги ҳаками, ФИФА рефериси, “Буюк хизматлари учун” ордени соҳиби Равшан Эрматов билан учрашув бўлиб ўтди. Унда “Универсиада-2016” спорт мусобақаси қатнашчилари, меҳмонлар ва бир қатор ОАВ ходимлари иштирок этишди.
Учрашув давомида Равшан Эрматов футболга кириб келиш жараёни, қийинчиликлар, фаолияти зинапояларидаги шахсий мақсадлар, юлдузли ўйинлар ва футбол ичида бугун юз бераётган жараёнлар ҳақида сўзлади.
Шунингдек, учрашув давомида мусобақа иштирокчилари ўзларини қизиқтирган саволларга жавоб олишди.
Мазкур учрашувда иштирокчилар олам-олам таассурот билан қайтишгани аниқ.
Маълумот ўрнида: 2003 йилдан буён ФИФА таснифидаги мусобақаларни бошқариб келаётган Равшан Эрматовнинг футбол бўйича деярли барча нуфузли турнирларда ҳакамлик қилган. 2008, 2009, 2010, 2011 ва 2014 йилларда беш маротаба “Осиёнинг энг яхши ҳаками”, Халқаро футбол уюшмалари федерацияси томонидан “Жаҳоннинг энг яхши ҳаками” сифатида тан олинган.
А. Деҳқонов