Бугун “Универсида-2016” спорт мусобақалари доирасидаги бир қатор спорт турларига қуръа ташланди. Жумладан, футбол бўйича ғолиблик учун кураш олиб бораётган жамоалар ярим финалдаги ўз рақибларини билиб олдилар.

Куръа натижаларига кўра, эртага, 27 май куни бўлиб ўтадиган биринчи ярим финалда Тошкент шаҳри терма жамоаси ва Қорақалпоғистон Республикаси терма жамоалари баҳс олиб боришади. Ўйин соат 08:00да бошланади.

Иккинчи ярим финалда Фарғона вилояти терма ҳамда Самарқанд вилояти терма жамоалари кураш олиб боришади. Ушбу учрашув соат 10:00да бошланади.

28 куни эса учинчи ўрин учун баҳс ва финал учрашуви бўлиб ўтади. Ўйинлар 08:00 ва 10:00да бошланади.

Барча учрашувлар Фарғона давлат университетининг спорт соғломлаштириш мажмуаси стадионида бўлиб ўтади.

Вилоятимиз терма жамоасига “Универсиада-2016” ўйинларида омад тилаб қоламиз.

PS: Эрталабки мақолада учрашув бошланиш вақтлари universiada-2016.uz сайтидаги маълумотлар асосида берилганди. Аммо айрим сабабларга кўра, ўйинларнинг бошланиш вақтлари ўзгартирилган.