Бугун “Универсиада-2016” спорт мусобақалари доирасидаги футбол ўйинларига старт берилади. “Универсиада” ўйинларида таниқли футболчиларнинг иштирок этиши одатга айланган. Бу йилги баҳсларда ҳам ўзбек футболининг бир қатр юлдузлари тўп суришади. Вилоятимиз терма жамоаси сафида 2009 йилги Ёшлар ўртасидаги Жаҳон чемпионати иштирокчиси Дилёрбек Эрматов (“Нефтчи”), ўзининг бетакрор ўйинлари билан Ўзбекситон миллий терма жамоаси мураббийлари назарига тушган Сардор Мирзаев “Локомотив” ва Фарғона футболининг ёрқин намояндаларидан бири Шукурали Пўлатов (“Нефтчи”)лар майдонга тушишади.

Тошкент шаҳар терма жамоасида эса булар сони жуда кўп. Масалан, 2011 йили Мескикада бўлиб ўтган ўсмирлар ўртасидаги мундиалда қатнашган футболчилар – Аббосбек Махситалиев, Муҳсин Убайдуллаев (иккиси “Нефтчи”), Сардор Собирхўжаев (“Сўғдиёна”), “Бунёдкор” етакчиси Акбар Тўраев, ўзининг ажойиб ўйинлари билан мухлислар меҳрини қозонган Алибобо Раҳматуллаевлар пойтахт терма жамоаси шарафини ҳимоя қилишади.

А. Деҳқоно