Аввал хабар бериб ўтилганидек, Ўзбекистон Футбол Федерацияси 2 июнь кунига белгиланган, аммо бугун бекор қилинган Ўзбекистон ва Экваториал Гвинея жамоалари ўртасидаги ўртоқлик ўйинига сотилган чипталарни қайтиб олади. Чипта сотиб олган фуқаронинг пуллари қуйидаги тартибга қайтарилади:

1. Хизмат кўрсатувчи банкнинг транзит ҳисоб рақами (Банкнинг МФО коди ва СТИРи) кўрсатилган ҳолда ўрнатилган тартибда ариза ёзилади.

2. Чиптани қайтиб олиш ҳақида далолатнома тузилади. Далолатнома "Бунёдкор" стадиони маъмурияти томонидан тайёрланади;

3. Прописка маълумотлари кўрсатилгани ҳолда паспорт нусхасини тақдим этиш;

4. Сотиб олинган ўйин чиптаси тақдим этилиши керак.