Бугун миллий терма жамоамиз халқаро ўртоқлик учрашувида майдонга тушиши керак эди. Лекин, сўнгги паллада термамизнинг навбатдаги рақиби Эквотариал Гвинея терма жамоасини Тошкентга кела олмаслиги маълум бўлгач, тезкор рақиб топишни имкони бўлмади.

Шу сабабли, терма жамоалар маркази миллий терма жамоамизга қарши Ўзбекистон чемпионатида тўп сураётган легионерлардан ташкил топган жамоани майдонга тушишини маълум қилди. Айнан шу сабабли, “Навбаҳор” легионерлари Игорь Голбан, Владислав Павленко ва Олександр Пишур ҳам марказ томонидан 1-3 июнь кунлари бўладиган йиғинга чақирилишди. Лекин, Голбан ва Пишурлар ушбу йиғинда қатнаша олишмайди.

Гап шундаки, чемпионатда юзага келган кичик танаффусдан фойдаланиб, ушбу футболчиларимиз Бухородаги учрашувдан сўнг ўз юртларига жўнаб кетишганди. Павленко эса Тошкентда қолганди. Шу сабабли, бугун бўлиб ўтадиган ўйинда “Навбаҳор”дан фақатгина Владислав Павленко майдонга тушиши мумкин.