Даниэл Алвес «Барселона»дан кетиши эълон қилинганидан кейин жамоа мухлислари билан хайрлашди.
«Бир ойдан кейин «Барселона»га ўтганимга 8 йил тўлади. Биринчи кундан сўнгги кунга қадар футболдан мароқландим. Менинг омадим бор экан.
Футболчилар ва мураббийларнинг саъй-ҳаракатлари эвазига сўнгги 10 йилликда жаҳоннинг энг яхши клубига айланган "Барселона" футболкасида ҳаракат қилиш мен учун шарафли бўлди.
Шуни айтишни истардимки, ўзимни янги жойда синаб кўришга қарор қилдим. Боиси, ҳар бир босқични ўз вақтида якунлаш керак. Мен учун «Барса»даги фаолиятимни якунлаш пайти келди.
Мен кетяпман, лекин албатта қайтаман. Боиси, мен бу жамоанинг ашаддий мухлисиман», – дея ёзди Алвес.