«Ювентус» ҳужумчиси Альваро Мората ҳимоячи Дани Алвес билан бир жамоада ўйнашни исташини таъкидлаб ўтди. Бразилиялик футболчининг «Барселона»ни тарк этаётгани расман эълон қилинди. У яқин кунларда туринликлар билан шартнома имзолаши кутилмоқда.
«Алвес билан бир жамоада ўйнашни истардим. Таътил пайтида мен у билан бир неча марта кўришганман. «Реал» ва «Барселона» ўртасидаги рақобатга қарамай, у менга нисбатан яхши муносабатда бўлган. Алвес – жаҳондаги энг яхши ҳимоячилардан бири», — дейди Мората.
Ҳозирча Моратанинг ўзи "Ювентус"да қолиши маълум эмас. "Реал" футболчини қайта сотиб олиш ҳуқуқидан фойдаланиб, уни қўлга киритиши ҳамда бошқа жамоага сотиб юбориши мумкин.