Ўзбекистон терма жамоаси Канадага қарши ўртоқлик учрашувини ўтказиш мақсадида бугун Австрияга учиб кетади.

Тошкентдаги ўқув-машғулот йиғинига таклиф қилинган Сардор Мирзаев (“Локомотив”) сафарга чиқиш бўйича хужжатлардаги айрим камчиликлар туфайли Австрияга боромайдиган бўлди. Элдор Шомуродов (“Бунёдкор”) виза олиш жараёни чўзилиши муносабати билан Австрияга кейинроқ учадиган бўлди. Шунингдек, Азим Аҳмедов (“Пахтакор”) жароҳат олганлиги сабабли сафардан қоладиган бўлди. Унинг ўрнига Жамшид Искандеров (“Пахтакор”) таклиф этилди.

Таъкидлаш жоиз, терма жамоа мураббийлар штаби хориж чемпионатларида тўп сураётган миллий терма жамоа футболчиларига чемпионат ўйинлари энди тугагани боис, таътил беришга қарор қилган. Унга кўра, Одил Аҳмедов ("Краснодар"), Виталий Денисов ("Локомотив"), Азиз Ҳайдаров ("Аш Шабоб") ҳамда Сардор Рашидов ("Ал Жаиш") миллий терма жамоанинг навбатдаги ўйинига чақирилмадилар. Хитойнинг "Чангчун Ятай" клубида тўп сураётган Анзур Исмоилов эса, жароҳатини даволамоқда.

Дарвозабонлар:
Александр Лобанов ("Персеполис", Эрон)
Игнатий Нестеров ("Локомотив)
Элдорбек Суюнов ("Насаф")

Ҳимоячилар:
Александр Мерзляков ("Бухоро")
Егор Кримец ("БейжингГуоан", Хитой)
Ислом Тўхтахўжаев ("Локомотив")
Шерзод Аъзамов ("Насаф")
Даврон Ҳошимов ("Пахтакор")
Шуҳрат Мухаммадиев ("Насаф")
Акром Комилов ("Бунёдкор")

Ярим ҳимоячилар:
Отабек Шукуров ("Бунёдкор")
Жавоҳир Соҳибов ("Пахтакор")
Элдор Шомуродов ("Бунёдкор") -
Жамшид Искандеров ("Пахтакор")
Саламат Қутибоев ("Бухоро")
Марат Бикмаев ("Локомотив")
Сервер Жепаров ("Локомотив")
Жасур Ҳасанов ("Локомотив")
Достон Ҳамдамов ("Бунёдкор")
Санжар Шоаҳмедов ("Локомотив")
Жамшид Болтабоев (“Пахтакор”)

Ҳужумчилар:
Игорь Сергеев ("Пахтакор")
Александр Гейнрих ("Ордабаси")