Россия терма жамоасининг Евро-2016 ўйинларига тайёргарлик кўриш учун машғулот ўтказадиган Круасси-сюр-Сен шаҳарчаси сув тошқинидан зарар кўриши мумкин.

Бу ҳақда шаҳарчанинг префектураси аҳолини огоҳлантирган. Хусусан, Сена дарёсининг қирғоқлари транспорт воситаларининг ҳаракати учун ёпилиши ва қўшимча тўсиқлар ўрнатилиши ҳақида хабар тарқатилган. Аҳолига эса ертўлалардан тез бузилувчи маҳсулотларни кўчириш, электр асбоб-ускуналарини олиб чиқиш, уйларни газ ва электр тармоғидан узиб қўйиш ҳақида тавсиялар берилган.

Россия терма жамоаси машғулот ўтказадиган «Омниспорт» стадиони баландликда жойлашгани сабабли, сув тошқинидан зарар кўрмаслиги билдирилган. Бироқ футболчилар истиқомат қиладиган Рюэй-Мальмезонедаги меҳмонхона сув остида қолиши мумкинлиги ҳақида огоҳлантирилган.