Англия терма жамоаси устози Рой Хожсон фикрига кўра жамоага тайинланиши мумкин бўлган сардорлар рўйхатида Руни биринчи ўринда туради.
Матбуотдаги Руни борасидаги муҳокамалардан дарғазаб бўлган Рой Хожсон Англия терма жамоасининг Евро 2016 баҳсларидан олдин ўтказилган матбуот анжумани вақтида бу каби муҳокамаларни тўхтатишга чақирди.
“Мен бу баҳсларда Руни томошасини кўрсатиш ниятида эмасман. Сиз Англия номидан 111 ўйинда майдонга тушган ва 53 гол муаллифи бўлган футболчи ҳақида гапирмоқдасиз. Рунининг жойи албатта майдонда ва исталган нуқтада ўйнаши мумкин. Жамоада тенг савиядаги футболчиларнинг кўплиги ёқимли муаммо. Анча вақтдан буён менда бундай футболчилар бўлмаганди. Кўриб турганингиздек мен таркиб борасида шикоятлар қилмаяпман. Агар биз жамоа бўлиб ҳимояланмасак, голга тортадиган вазиятларни йўққа чиқарсак ва уч очкони қўлга кирита олмасакгина шикоят қилишим мумкин. Ҳозирча эса шикоятга ўрин йўқ".
