Украина терма жамоасининг яримҳимоячиси Руслан Ротань Германия терма жамоасига қарши ўйин ҳақида ўз фикрларини билдириб ўтди. Евро-2016 гуруҳ босқичи доирасидаги бу беллашув 12 июнь куни ўтказилади.
«Европа чемпионати яқинлашган сайин иштиёқимиз ошиб бормоқда. Мотивация ҳозир ҳам бор, Ватан шаънини ҳимоя қилишимизни жуда яхши тушуниб турибмиз. Немислар? Улар ҳозир ҳаммани мағлуб этишяпти, барча совринларни ютиб олишяпти. Ўйлашимча улар Евро-2016да ғолиб чиқишга ҳам қодир.
Немислар ҳар доим ёпиқ машғулот ўтказишади. Ҳеч кимни киритишмайди. Биз уларни машғулотини томоша қилиш учун дрон учиришимиз мумкин, бироқ улар шуниям уриб туширишга қодир” – деди Ротань Footboom хабарига кўра.
