Евро-2016 бошланишига хам саноқли кунлар қолди. Евродаги энг ёш футболчилар билан таништирамиз.
Маркус Решфорд 31/10/1997 Англия
Бу ном Англияда жарангламоқда, унинг Манчестер Юнайтеддаги ўйинлари Жаноб Хожсонни эътиборини тортди. Хали 19 ёшга хам тўлмаган ёш юлдуз Франция майдонларидан хам йўқолиб қолмаcлигига умид қилиб қоламиз. Маълумот ўрнида Маркус Евро-2016 нинг энг ёш футболчиси хисобланади.
Ренату Саншеш 18/08/1997 Португалия
Лиссабонлик йигитча Португалиянинг хамма ёш тоифасидаги терма жамоаларида майдонга тушишга улгурди, унинг Бенфикадаги ўйинлари Мюнхенликларни оромини ўғирлади. Бавария мутасадилари ишни узоққа чўзиб ўтиришмади ва Ренату учун 35 млн еврони Бенфика жамоаси хисоб рақамига ўтказиб қўйди. Еврода порлаши кутилаётган ёш юлдузлардан бири.
Эмре Мор 24/07/1997 Туркия
"Туркиялик Месси" дея эътироф этилаётган Эмре иккита давлат фуқаролигига эга футболчи саналади. Аввалига Дания ўсмирлар термаси учун тўп сурган шоввоз кейинчалик Туркия термасининг чақирувига лаббай деб жавоб берди, Туркия U-21 ва Миллий терма жамоаларида дебют қилишга улгурди. 
Бобур Икромов
