Франция яшил майдонларида старт оладиган Евро-2016 турнири бошланишига ҳам 3 кун қолди. Биз эса мусобақа олдидан қизиқарли маълумотлар билан таништиришда давом этамиз.
Бугун мусобақада иштирок этувчи футболчиларнинг қайси клубдан таклиф этилгани билан танишасиз. Қуйида шу ва бошқа саволларга жавоб топасиз.
- Евро-2016 да жами 552 футболчи рўйҳатдан ўтказилган, шулардан 139 таси Англияда ўйнайди, Рой Хожсоннинг барча 23 футболчиси ҳам "туманли албион"дандир;
- Англия Чемпионшипи футболчилари энг кўп чақирилган лигалар орасида еттинчи ўринда;
- Умумий 49 футболчи турли мамлакатларнинг қуйи лигасида ўйнайди, шулардан нақд 16 таси Англияда;
- Словакия ҳамда Швеция термалари футболчилари 13 та чемпионатдан чақирилган;
- "Ювентус" ҳамда "Ливерпуль" клубларидан Евро-2016га энг кўп футболчисини чақирилган;
- Испания термасининг 19 футболчиси ЕЧЛ 2015/16 да ўйнаган;
- 5 та футболчи Осиё лигаларидан таклиф этилган (Қатар - 3, Австралия - 1, Саудия Арабистони - 1);
- 4 та футболчи эса КОНКАКАФ минтақасидан чақирилган (МЛС - 3, Мексика - 1).
Футболчилари энг кўп Евро-2016га чақирилган клублар
12 - "Ювентус" ва "Ливерпуль"
11 - "Тоттенхэм"
10 - "Манчестер Юнайтед"
9 - "Барселона", "Бавария" ва "Фенербахче"
8. "Арсенал", "Базел", "ЦСКА", "Реал" ва "Рома".
Энг кўп футболчилари чақирилган лигалар
139 - Англия (103 та АПЛ, 31 та Чемпионшип, 4 та Биринчи Лига, 1 та Иккинчи Лига)
65 - Германия (57 та Бундеслига, 8 та 2-Бундеслига)
56 - Италия (52 та А Серия, 4 та Б Серия)
36 - Туркия (Барчаси Суперлигадан)
35 - Испания (34 та Ла Лига, 1 та Сегунда).
1 та футболчиси қатнашаётган мамлакатлар
Австралия - Аарон Хюз (Шимолий Ирландия, "Мелбурн Сити")
Озарбайжон - Анси Аголи (Албания, "Қорабоғ")
Хитой - Бурак Йилмаз (Туркия, "Бейжинг Гуоан")
Исроил - Овидиу Хован (Руминия, "Хапоэл Бер Шева")
Лихтенштейн - Армандо Садику (Албания, "Вадус"*)
Қозоғистон - Анатолий Тимошук (Украина, "Қайрат")
Мексика - Андре Пер Жиняк (Франция, "Тигрес")
Канада - Лоран Симан (Белгия, "Монреал Импакт")
Саудия Арабистони - Лучан Синмертян (Руминия, "Ал Иттиход")
* Лихтенштейнда фақат кубок ўйинлари ўтказилади, "Вадус" Швейцария чемпионатида ўйнайди.
Энг кўп маҳаллий чемпионатдаги футболчилардан фойдаланган термалар
23 - Англия
22 - Россия
18 - Италия
Энг кам маҳаллий футболчилардан фойдаланаган термалар
0 - Исландия, Шимолий Ирландия, Уэлс*
1 - Австрия
*Уэлснинг 2 футболчиси АПЛда ўйнайдиган "Суонси"дан чақирилган.
Шаҳзод ХОЛБОЕВ тайёрлади
