Ўзбекистон терма жамоаси Канада терма жамоаси билан ўртоқлик ўйинини ўтказиб, 1:2 ҳисобида мағлуб бўлди. Ўйинда терма жамоамиз ва футболчиларимизга оид бир қанча статистик маълумотлар янгиланди.
- Терма жамоамизнинг кетма-кет 8 ғалабадан иборат ғалабали сериясига чек қўйилди. Сўнгги марта ҳамюртларимиз ўтган йили, КХДР терма жамоасига 2:4 ҳисобида ютқазишган эди.
- Терма жамоа Самвел Бабаян бошчилигида биринчи марта ўз дарвозасидан 2та гол ўтказиб юборди. Шу кунгача футболчиларимиз ўз дарвозасидан кўпи билан 1 гол ўтказиб келишаётганди.
- Сервер Жепаров терма жамоа сафидаги 116-ўйинни ўтказди. Сардоримиз бу кўрсаткич бўйича мутлоқ рекордчи Тимур Кападзедан 3 ўйин ортда қолмоқда.
- Элдор Шомуродов терма жамоа сафида 6-ўйинда майдонга тушиб, 3-голни уришга муваффақ бўлди.
- Терма жамоамиз сафида бир йўла 3 футболчи дебют ўйинини ўтказишди – Шерзод Аъзамов (Насаф), Саламат Қуттибоев (Бухоро), Достонбек Ҳамдамов (Бунёдкор)
