Бугун Франция майдонларида Европа чемпионати старт олади. Анъанага кўра, дунё ҳайвонот боғларида истиқомат қилувчи фауна оламининг турли вакиллари мусобақа ўйинларига башорат беришни бошлаб юборишди.

Германиянинг Люббенау шаҳарчасида яшовчи пингвин Флоке Германия – Украина ўйинида немисларнинг ғалаба қозонишини башорат қилди.

Штуттгарт ҳайвонот боғидаги Целла лақабли фил эса чемпионат иштирокчилари байроғининг расми туширилган шарчаларни саватчадан олиб, ўз башоратини берди. Унинг танловига кўра, Шимолий Ирландия Евро-2016да ғолиб чиқар экан.

Эссен шаҳрида Зизу лақабли хўроз Франция – Руминия ўйинида мезбонларнинг мағлубиятидан башорат берди.

Россиянинг Екатеринбург шаҳрида эса Принц лақабли қурбақа Россия – Англия ўйинида русларнинг ғалаба қозонишини билдирди.