"Барселона" ҳимоячиси Хавьер Маскерано жамоадан кетиши ҳақидаги хабарларга изоҳ билдирди.
"Барселона" мени олиб қолишни исташини маълум қилди. Клуб раҳбарияти ва мураббийлар штаби мен намойиш этаётган ўйиндан хурсанд. Бундай вазиятда кетиш ҳақида қарор қабул қилиш жуда қийин. Нима бўлган тақдирда ҳам, мен жамоадан кетишга интилаётганим йўқ", - дейди Маскерано.
Эслатиб ўтамиз, бироз вақт муқаддам 31 ёшли футболчи "Ювентус"га ўтиши ҳақида хабарлар пайдо бўлган эди.