Футбол бўйича Франция миллий терма жамоаси ҳимоячиси Патрис Эвра Руминия термаси билан бўлиб ўтган учрашувдан сўнг қайд этишича, рақиб жамоа гўёки 12 киши бўлиб футбол ўйнагандек таассурот қолдирган, деб хабар қилмоқда L'Équipe газетаси.
Сен-Денидаги Stade de France стадионида бўлиб ўтган учрашув, мезбонларнинг 2:1 ҳисобидаги ғалабаси билан якунлангани ҳақида аввал хабар қилинган эди. Голларни французлардан Олимвье Жиру ва Димитри Пайе киритган бўлса, Руминия жамоаси ўйинчиси Богдан Станку ҳам пенальтидан гол киритишга муваффақ бўлганди.
"Франция термаси расмий ўйин ўтказмаганига 2 йил бўлди, - деб қайд этган Эвра. - Руминия термасини ҳам чиройли ўйин кўрсатгани билан табриклаш керак. Биз уларни осонгина мағлуб этамиз деб ўйлагандик, аммо бош мураббий бизни огоҳлантириб, улар Испания ва Италия термалари билан дуранг ўйнаганини эслатганди".
Эвранинг айтишича, француз футболчилари очилиш ўйини бўлгани учун ҳам бирмунча босимни ҳис қилишган. "Барча яхши ўйнашга ҳаракат қилгани боис, жисмоний жиҳатдан оғир бўлди, руминлар эса 12 киши тўп суришгандек ҳис қилдик", - деган Эвра.
