Россия терма жамоаси ҳимоячиси Василий Березуцкий Евро-2016’нинг гуруҳ босқичидаги Англияга қарши учрашув натижасига изоҳ бериб ўтди. Учрашув 1:1 ҳисобида якунланди. 

"Охирги дақиқаларда дуранг қила олганимиз яхши бўлди. Бу доимо ёқимли. Бу дуранг ғалаби мисоли. Мусобақани очко билан бошлаётганимиз яхши. Агар мағлубият бўлганда, оғир бўларди. Биз яхши тайёрландик, кўп ишладик, ўз кучимизни ҳис қилдик. Ҳаяжон бўлди, чунки мусобақани энди бошладик. Кўп йигитлар бундай катта тадбирларда иштирок этмаганлар, шунинг учун бироз ҳаяжонланаётганимиз сезилди", деб айтди Березуцкий.