"Интерфутбол" нашри Олий лиганинг 11-турида мураббийлар томонидан билдирилган энг сара фикрларни тақдим этди.
- Мағлубиятимизда дарвозабонимизнинг ҳеч қандай айби йўқ. У ўйин олдидан менга алоҳида сўз берганди. Ҳамиджон АКТАМОВ («Қизилқум» бош мураббийи).
- Мана, ёзги шароитларга энди-энди кўникиб боряпмиз. Сергей ЛУШАН («Бунёдкор» бош мураббийи).
- «Қўқон-1912»га қарши ўйин айнан ўзимиз кутгандек бўлди. Андрей ФЁДОРОВ («Нефтчи» бош мураббийи).
- Футболда кўп нарса омадга боғлиқ, масалан, «Навбаҳор» пенальтидан гол урганида, ғалаба қозониши ҳам мумкин эди. Рўзиқул БЕРДИЕВ («Насаф» бош мураббийи).
- Об-ҳавонинг ниҳоятда исиб кетгани биринчи бўлимда чиройли ўйин кўрсатишимизга йўл қўймади...Шавкат САИДОВ («Металлург» клуби бошлиғи).
- Биринчи пенальтидан гол урганимизда эди, ўйин жуда қизиқарли давом этарди. Бобур ЗУҲРИДДИНОВ («Обод» бош мураббийи).
- Қўзибоевнинг бир йилдан ортиқ давом этган голсиз серияси ниҳоят, якунланди ва унинг учун хурсандман. Зоҳир энди гол уришдан тўхтамаса керак. Александр ХОМЯКОВ («Машъал» бош мураббийи).
- Эртага раҳбарият олдига кириб янги мураббий олиб келишларини сўрамоқчиман. Аммо биринчи давра якунлангач кетмоқчиман, чунки Қўқонда муҳим ўйинимиз бор. Даврон ФАЙЗИЕВ («Сўғдиёна» бош мураббийи).
