Украина терма жамоаси Шимолий Ирландия билан беллашиб, кутилмаганда 0:2 ҳисобида мағлубиятга учради.

Биринчи бўлимнинг дастлабки дақиқалари тенг курашлар остида ўтди. Ҳар иккала терма жамоа ҳимояда хатога йўл қўймаслик учун, эҳтиёткорона ўйнади.

Бўлим ўртасига келиб, ташаббус Шимолий Ирландияга ўтди. Улар рақибга нисбатан тезкор ва ҳужумкор ўйин намойиш эта бошладилар.

34-дақиқада ҳисоб очилиши мумкин эди. Бурчакдан оширилган тўпни Крейг Кэткарт боши билан дарвозанинг яқин юқори бурчагига йўллаганида, тўп дарвоза устуни ёнгинасидан ўтиб кетди.

Иккинчи бўлимни шимолликлар фаол бошлашди ва 49-дақиқада рақиб дарвозасини ишғол этишди. Чап қанотдан белгиланган жарима зарбаси амалга оширилди. Тўп жарима майдонига етказилганида, Макаули яқин масофадан боши билан зарба йўллаб, ҳисобни очди. Бу вазиятда ҳимоячи Хачериди уни кўздан қочирган эди.

Украина зудлик билан ҳужумга ўтиб, ҳисобни тенглаштириши мумкин эди. Ўнг қанотдан жарима майдонига етказилган тўпни Селезнёв боши билан дарвозага йўллади. Бироқ тўғри дарвозабон қўлига.

Шундан сўнг ташаббус украиналиклар томонда бўлди. 71-дақиқада Коваленко узоқ масофадан кучли зарба йўллаганида, тўп дарвоза тўсини ёнидан ўтиб кетди.

Ўйин охирида украиналиклар чарчаб қолишди, уларнинг жисмоний ҳолати яхши эмаслиги кўзга ташланиб қолди.

Ҳакам томонидан қўшиб берган дақиқаларда эса Шимолий Ирландия яна бир гол урди. Жарима майдони чизиғидан йўлланган кучли зарбани Пятов қайтара олди, аммо қайтган тўпга биринчи бўлиб етиб келган Макгинн уни осонлик билан дарвозага йўллади.

16 июнь, Лион, «Стад де Лион»

Украина – Шимолий Ирландия 0:2 (0:0)

Гол: Маколи (49), Макгинн (90+6)

Украина – Пятов, Хачериди, Шевчук, Федецкий, Ракицкий, Коваленко (Зинченко, 83), Степаненко, Ярмоленко, Сидорчук (Гармаш, 76), Коноплянка, Селезнев (Зозуля, 72).

Северная Ирландия – Макговерн, Кэткарт, Эванс, Хьюз, Маколи, Дэвис, Эванс (Макнейр, 90), Даллас, Норвуд, Уорд (Макгинн, 69), Уошингтон (Маженнис, 84).

Огоҳлантиришлар: Селезнев (40), Уорд (63), Сидорчук (67), Даллас (87), Эванс (90).