Италия терма жамоаси ҳимоячиси Жоржио Кьеллини Швецияга (1:0) қарши ўтказилган ўйиндан сўнг ўз фикрларини билдирди.

«Дзадза ва Эдер ажойиб тарзда ўйнашди. Симоне жисмоний жиҳатдан жуда бақувват, Эдер эса тезкор футболчи. У сўнгги машғулотлар пайти гол уришга тайёр эканини намойиш қилаётганди. Биз унинг гол уришини кутгандик.

Эдер машҳур бўлиб кетганидан хурсандман. Кўпчилик ориунди ҳақида ёмон тасаввурга эга (ориундо – аждодлари муҳожир бўлган фуқаролар). Агар миллийлаштирилган футболчи хатоликка йўл қўйса, устига мағзава ағдаришади, у ҳақда ёмон гаплар ёзишади. Ориунди Италияни танлашган ва шунинг учун ҳам яхши муносабатга лойиқдирлар», – деди футболчи.