Бельгия терма жамоаси ҳужумчиси Ромелу Лукаку Ирландияга (3:0) қарши ўйиндан сўнг ўз фикрлари билан ўртоқлашди. Бу ўйинда Лукаку 2та гол урган эди.

«Биринчи турдаги мағлубиятдан тўғри хулоса чиқариб олдик. Майдонга тушиб, қилишимиз шарт бўлган ишни қила олдик. Ҳужумда яхшироқ ўйнаб, ҳимояда гол ўтказмаслигимиз лозим эди. Буни эпладик. Энди кейинги ўйинга тайёрланамиз.

Мавсумни яхши ўтказдим, мусобақага ҳам яхши тайёргарлик кўрдим. Мен хотиржамман, жамоамиз ҳам. Икки кун олдин йиғилиш ўтказиб, ҳар бир футболчининг фикрини билиб олдик. Бугун эса жуда яхши ўйнадик», – деди Лукаку.