Россия терма жамоасининг бош мураббийи Леонид Слуцкий Уэльс терма жамоасига қарши ўйиндан олдин ўз фикрлари билан ўртоқлашди.
«Уэльс таркибида дунё даражасидаги икки нафар футболчи бор – Бэйл ва Рэмси. Уларнинг ҳужуми мана шу футболчиларнинг ўзаро ҳаракати устига қурилган. Бироқ бошқа футболчилар ҳам яхши ўйин намойиш эта олишади.
Уэльс қарши ҳужумларга таяниб ўйнайди. Европа чемпионатининг барча ўйинлари кескин курашлар остида ўтмоқда. Ишончим комил, эртага ҳам шундай бўлади.
Плей-оффга чиқишимиз жуда муҳим масала. Мен учун ҳам, футболчилар учун ҳам. Россия терма жамоаси мусобақада иложи борича узоқ вақт қолиши керак», — деди Слуцкий ўйиндан олдинги матбуот анжуманида.
В гуруҳи жадвалини эслатиб ўтамиз: 1. Англия — 4 очко; 2. Уэльс — 3; 3. Словакия — 3; 4. Россия — 1.
