Франциядаги Европа чемпионати, гуруҳ босқичи ўйинлари якунида пенальтилар серияси қўлланадиган биринчи йирик мусобақа бўлиши мумкин, деб УЕФА мулозими бу ҳақда DailyMail вакилига маълумот берди.
Агар гуруҳ босқичи ўйинларининг 3-туридан сўнг 2 терма жамоада очколар сони, тўплар нисбати, урилган голлар сони бир хил бўлса, уларнинг ўзаро ўйини дуранг ҳисобда якунланса, у ҳолда уларнинг турнир жадвалида қайси ўринни эгаллаши қўшимча таймлар ўтказилмасдан пенальтилар сериясида аниқланади.
Бунда асосий шарт шуки, кўрсаткичлари тенг бўлиб қолган терма жамоалар сўнгги турда ўзаро ўйнаётган бўлиши керак.
Олдинги мусобақаларда шундай вазият юзага келганида, жамоаларнинг кейинги тақдири қуръа ташлаш орқали маълум бўлган, хусусан, ЖЧ-1990 да Ирландия ва Голландия терма жамоаларининг гуруҳдаги якуний ўрни шундай аниқланган.
