Испания терма жамоасининг собиқ ҳужумчиси Давид Вилья Нолито ҳақида ўз фикрларини билдирди. Вильянинг айтишича, Нолито ўйин услуби билан унинг ўзини эслатиб юбораётган экан.
«Жамоа ўйинига мослашиш - терма жамоа футболчиси учун энг муҳими. Нолито ҳужумчи сифатида, айниқса, яккама-якка курашларда мени эслатмоқда. У қанотга ўтиб кетиш ўрнига марказдан ҳам олдинга бориши мумкин. Нолито ажойиб йигит, унга омад тилайман»,- дейди Вилья Маrcа билан суҳбатда.
«Сельта»дан Испания терма жамоасига таклиф этилган Нолито Европа чемпионати гуруҳ босқичининг дастлабки икки ўйинида асосий таркибда майдонга тушиб, битта голга ва битта голли узатмага муаллифлик қилди.
