Швеция терма жамоаси ҳужумчиси Златан Ибрагимовичнинг агенти Мино Райола, мижози Хосеп Гвардиоладан ўч олиш ниятида эканини маълум қилди. Каталониялик мутахассис ёзда «Манчестер Сити»ни қабул қилиб олди. Ибрагимович «Барселона»да унинг қўл остида тўп сурган эди. ОАВнинг маълум қилишича Евро-2016дан кейин футболчи «Манчестер Юнайтед»га ўтади.
«Златан Гвардиоладан ўч олмоқчи деб ўйлайман. Бироқ бу унинг ҳаётидаги асосий мақсад эмас. Златан Гвардиола билан алоқалари ёмон бўлса ҳам, уни мураббий сифатида ҳурмат қилади. Мағлубиятдан кўра ғалабалар сени кўп нарсага ўргатади", — дея агентнинг сўзларидан иқтибос келтирмоқда Маrcа.